💐स्वामिलीला वर्णन -१ 💐

श्री स्वामी महाराज अक्कलकोटास प्रकट झाल्यापासून अनेक सेवेकऱ्यांस अक्कलकोट जाऊन सेवा करण्याविषयीं, गाणगापुर दृष्टान्त झालेले आहेत. महाराज आनंदांत असतांना, " आपण कोण ?" म्हणून त्यांस प्रश्न केल्यास, " दत्तनगर मूळ पुरुष वडाचे झाड !" म्हणून उद्गार निघत.

शिवाय " मूळ मूळ" याप्रमाणे महाराज हमेश उच्चारीत असत.                                                                                                               

एके दिवशी गाणगापूरचे मुख्य पुजारी श्री स्वामी महाराजांचे दर्शनास आले.

दर्शन झाल्यावर पुजाऱ्यास स्वामींनी " तुमच्या देवाचें नांव काय?" म्हणून प्रश्न केला. पुजाऱ्यांनी सांगितले, " महाराज, आमचे देवास श्रीनृसिंहसरस्वती म्हणतात." ते ऐकून स्वामीमहाराज म्हणाले, " माझे नांव नृसिंहभान आहे बरें." कित्येक प्रसंगी " मीच राम झालों, मीच कृष्ण झालो होतो," म्हणून उद्गार महाराजांच्या मुखातून निघत. यावरून श्री स्वामी महाराज हे अवतारी होते, हे निःसंशय आहे.

राजश्री चितोपंत आप्पा टोळ यांची व महाराजांची सोलापुरास गांठ पडून नंतर महाराज अक्कलकोटास आले. त्याबद्दल साग्र हकीगत पुढे देण्यात येईलच. चितोपंत हे महाराजांचे पूर्ण भक्त होते. महाराज हे दत्त- अवतार असून, त्यांचे सहवासाचा लाभ होणार, हैं त्यांस पांच-सात वर्षे अगोदरच कळले होते. ती गोष्ट अशी आहे की, श्रीक्षेत्र पंढरपुरास गोपाळ बुवा नांवाचे महासिद्ध, जगद्वंद्य पुरुष होऊन गेले. सन १८४६-४७ साली राजर्षी चिंतोपंत आप्पा टोळ सोलापुरास मामलेदार असताना, त्यांचे हाता खालील नगदी कारकून साताऱ्यास रजेवर गेले होते. परत येतांना ते पंढरपुरास मुक्कामास आले. " आपण कोण? कुठे असतां ?" म्हणून बुवांनी त्यांस प्रश्न केला. कारकून म्हणाले, " आम्ही सोलापुरास मामलेदार कचेरीत कारकून आहे." " हो ! तुमचे मामलेदारास पत्र द्यावयाचें आहे," असें बुवा म्हणाले व त्यांस दौत-लेखणी-कागद आणण्यास सांगितले. कागद, दौत, लेखणी आल्यावर बुवांनी पत्र लिहिण्यास सांगितलें.

त्यांतील मुख्य मुद्दयाची ही गोष्ट होती की, " काही दिवसांनी तुला महान् योगी सत्पुरुष दत्तात्रेयांची गांठ पडून दर्शन व सहवास होईल."

पुढे सात-आठ वर्षांनी चिंतोपंतांची व श्रीसमर्थांची गांठ पड़ने चितोपंत श्रीसमर्थांचे निःसीम भक्त झाले. श्री स्वामी साक्षात् दत्त-अवतार आहेत, हयाबद्दल त्यांची पूर्ण खात्री झाली होती. गाणगापूराला श्रीनृसिंहसरस्वतीनां नवस केलेले पुष्कळ भक्तजन अक्कलकोटास श्रीस्वामींसन्निध नवस फेडीत असत.

:-श्री स्वामी समर्थ बखर यातून साभार🙏

स्वामी चरणार्पन्मस्तु💐